Vajza e shkrimtarit të madh Dritëro Agollit, Elona, feston sot ditëlindjen. Pavarësisht se kjo është një ditë gëzimi për të, Elona Agolli duket se e ka ndjerë shumë mungesën e të atit, i cili ka ndërruar jetë në shkurt të këtij viti.
Në një mesazh falenderimi për të gjithë miqtë dhe ndjekësit e saj që e kanë uruar, Elona i ka kushtuar shumë rreshta babait të saj të ndjerë.
“Ju faleminderit ; jam ndjere mire nga përgëzimet, por ka qene edhe nga te vetmet datelindje , qe jam ndjerë në ankth . Pasi prisja një urim sapo dita mori pushtetin e saj . E me pushtoi ankthi i mungeses se atij urimi , fjalët e te cilit gdhendnin gjurmë jo në kujtesë , por drejt në shpirt . “- Hajde gëzuar , Sa yje ka qielli , aq urime të jap unë sot në këtë ditë. “- zëri më vjen si jehonë, duke u dallgëzuar e furishëm ato dallgë më godasin , atë të padukshmin shpirt .
Ka muaj që më mungon ai zë , më mungon në të përditshmen time gri . Por ai më mungoi sot më tepër se çdo herë, pasi urimi i tij ka ngjyrat e kujtesës së asaj dite të largët kur ndërsa pritej lindja ime , gjyshi Riza lëngonte në orët e fundit e kur im Atë i rrëfeu për lindjen e fëmijës , ai i kërkoi hekurin për ta prekur e për të dhënë bekimin e tij : Jetëgjatë sa hekuri .
Urimi ka ndjenjën atërore që është përkujdesur aq shumë për të formuar “njeriun” në radhë të parē , e më pas të mençurit e të kulturuarit bij .
E megjithatë fort ju falenderoj , pasi e di qe bashkë me urimet tuaja , ndani dhe respektin dhe mendimet edhe per Dritëroin , të dlirin at.
Rrofshi – do të thoshte ai.”, shkruan Elona Agolli.
Kujtojmë se shkrimtari i madh Dritëro Agolli, i cilësuar edhe si kollosi i letrave shqipe, ndërroi jetë më 3 shkurt të këtij viti, për shkak të problemeve në mushkëri. Vajza e tij Elona e ka ndjerë shumë mungesën e babait dhe këtë e ka treguar me postimet dhe dedikimet e herëpashershme në rrjetet sociale. (D.D/Shuplaka)
