Vetëm një ditë më parë Edi Rama ka shkarkuar nga detyra drejtorin teknik të Hipotekave, Arjan Bylykbashin dhe në vend të tij ka emëruar Blerina Doracajn. Sjellim në vëmendje që Bylykbashi u emërua në këtë post pas arritjes së marrëveshjes Rama-Basha më 18 qershor.
Por kush është Blerina Doracaj?
Doracaj nga viti 2015 – 2016 ka punuar si Këshilltare për Çështjet e Administratës Publike pranë Ministrit të Shtetit për Inovacionin dhe Administratën Publike, ku ka luajtur dhe rolin e koordinatores për reformën në Administratën Publike.
Nga korriku i 2015 e në vazhdim është Anëtare e Këshillit Bashkiak, Tiranë dhe Këshillit të Qarkut, Tiranë.
Së fundmi Blerina Doracaj ka mbajtur postin e kryetares së Forumit të Gruas Socialiste të Tiranës. Sjellim në vëmendje që kryetar i këtij qarku është Saimir Tahiri, ish-ministri i Brendshëm dhe të dy njihen dhe kanë bashkëpunuar ngushtësisht me njëri-tjetrin.
(J.V/Shuplaka)
Discussion about this post