Ministri i Brendshëm francez ka deklaruar se gjatë vitit të fundit në Francë kanë kërkuar mbi 7 mijë shqiptarë azil. Ministri i Brendshëm Gerard Collomb i ka shprehur Kryeministrit Edi Rama nëpërmjet një bisede telefonike shqetësimin për rritjen lartë me 75% të azilkërkuesve në Francë.
Për këtë situatë ka reaguar edhe Kreu i Grupit Parlamentar të LSI-së, Petrit Vasili, cili thotë se populli shqitar do të ikë dhe jo të bëjë aleancë me kryeministrin.
“Një tjetër vlerësim zero për kryeministrin, nga Franca. Një tjetër zero pas asaj nga Trieste dhe nga SHBA. Shqiptarët të parët për numrin e azilkërkuesve në Francë, më tepër nga Siria, Sudani, Afganistani, që janë në luftë. Populli shqiptar do të ikë e jo të bëjë aleancë me kryeministrin. Një mal me zero për kryeministrin. Ç’do të bëjë ai tani? A do e shkrijë kryeministrinë si ALUIZNI-n në Berat?”, shkruan Petrit Vasili.
Ministria e Brendshme Franceze ka deklaruar se 7432 shqiptarë kanë kërkuar të fitojnë statusin e refugjatit vetëm në vitin 2016. Ndërkohë që ministri i Brendshëm, Gerard Collomb, ka thënë për AFP-në se në vitin 2017 këto kërkesa sa vijnë dhe dyfishohen. (J.V/Shuplaka)
Discussion about this post