Papa Françesku uron Ilir Metën me rastin e zgjedhjes së tij si President i Republikës së Shqipërisë. Në mesazhin e dërguar nga Selia e Shenjtë, Papa Françesku i përcjell përgëzimet më të sinqerta presidentit të ardhshëm dhe shpreson në angazhimin e tij për të forcuar solidaritetin dhe unitetin e qytetarëve shqiptarë.
“Lutem që ju të mund të forconi gjithnjë e më shumë angazhimin tuaj për avancimin e lirisë, solidaritetit dhe unitetit drejt të mirës së përbashkët. Lutem që për të gjithë shqiptarët të ketë bekime hyjnore për paqe dhe prosperitet.”, thuhet në letrën e Papës së shenjtë drejtuar Metës.
Kujtojmë se Ilir Meta betohet më 24 korrik, pra edhe 3 ditë, përpara Parlamentit për marrjen e postit të Presidentit të Republikës së Shqipërisë.
Më poshtë teksti i plotë i letrës:
Shkëlqesisë së Tij, z. Ilir Meta Presidenti i Republikës së Shqipërisë Teksa ju bëheni gati të filloni bëheni mandatin tuaj si President i Republikës së Shqipërisë, dëshiroj t’ju përcjell përgëzimet më të ngrohta ju dhe qytetarëve shqiptarë.
Të ndërgjegjshëm për klimën pozitive të respektit dhe besimit reciprok ekzistues në Shqipëri midis njerëzve me tradita të ndryshme fetare. Lutem që ju të mund të forconi gjithnjë e më shumë angazhimin tuaj për avancimin e lirisë, solidaritetit dhe unitetit drejt të mirës së përbashkët. Lutem që për të gjithë shqiptarët të ketë bekime hyjnore për paqe dhe prosperitet.
Papa Francesco (D.D/Shuplaka)
Discussion about this post