Ashtu siç lajmëroi një ditë më parë Astrit Patozi, grupi i kritikëve të Bashës, kanë organizuar sot një takim ne Akademinë e Arteve, pak orë para zgjedhjeve për kreun e ri të PD.
Ridvan Bode, i cili u la jashtë listës së kandidatëve në zgjedhjet e 25 qershorit, deklaroi në këtë takim se një ndër arsyet pse humbi PD në këto zgjedhje, është dobësimi i anëtarësisë.
“Si ka mundësi që makina elektorale e Partisë Demokratike e humbi fuqinë e saj. Nuk mundëm dot si PD, të ofrojmë një ofertë politike.
Në këtë zgjedhje nuk patëm dot një ofertë politike të ofruar në çdo familje. Si ka mundësi, 503 mijë anëtarëve, kundërshtarit tonë politikë, ia besuam votën 3 katër drejtorëve të ALUIZNIt, apo 4 a 5 ministrave që u futën nën ombrellë të Edi Ramës. E papërballueshme për kundërshtarin tonë, e nuk mund të na intimidojë kundështari i opozitës.
Janë një sërë gabimesh, që çuan në këtë disfatë kaq të madhe. Kryetari i Partisë, nuk mund të rri pa ia kujtuar, kurrë nuk u pyet në ndonjë forum. Kurrë nuk u mblodhëm në këto katër vite, për të diskutuar çështjet, seksionet e grupseksionet. Nëse ne nuk përfillim në opozitë anëtarët e anëtarësisë për vendimet tona… dobësimi i anëtarësisë është një nga faktorët kryesorë pse nuk gjetëm dot në ditën e fundit këta 13 mijë vëzhgues, numërues që të na ruanin votën që të mos na i vidhte PS, LSI apo PDIU. Katër vjet kryetari e kryesia e anëtarësisë është mbledhur vetëm një herë apo dy herë. Urdhrat, rregullat e rregulloret nuk ekzistonin më.”, deklaroi Bode. (D.D/Shuplaka)
Discussion about this post