Një ditë para zgjedhjeve në PD, Mustafaj: Nesër nuk shkoj të votoj

Gjatë takimit që organizoi ditën e sotme në Tiranë grupi anti-Basha, fjalën e mori i pari ish-deputeti Besnik Mustafaj .

Mustafaj u shpreh se gara e nesërme nuk është e drejtë, por farse, duke shtuar se kjo është arsyeja se pse ai nuk do te votojë neser.

 “Kjo lëvizje nuk është kundër një njeri. Por kundër një standardi. Qoftë pra ky njeri edhe Lulzim Basha. Nuk është një mbështetje të një njeriu, por të një standardi, qoftë ky edhe Astrit Patozi. Nuk ka ardhur ende momenti që ne të përcaktojmë njeriun që do duam ta kemi në krye të kësaj hapësire liri. Basha i ka penguar, i ka hequr PD të drejtën e garës dhe vetëm gara e bën këtë hapësirë liri. Ne nuk mund të bëhemi pjesë e kësaj gare, ndaj unë nesër nuk shkoj të votoj”, tha Mustafaj. (S.SH/Shuplaka)