Një ngjarje e pazakontë është shënuar sot në Mat, pasi një mjet u përfshi nga flakët në aksin nacional Burrel – Milot në vendin e quajtur “Kongrazhd”.
Mjeti tip “Land Rover” me targë AA 744 ER, u dogj jashtë rrugës pasi ishte i parkuar, duke rrezikuar t’i vërë flakën edhe pyllit të dushqeve.
Kanë qenë udhëtarët të cilët kanë njoftuar policinë e Matit e cila më është nisur drejt vendit të ngjarjes. Për të shuar flakët është dashur ndërhyrja e mjetit zjarrfikës të Bashkisë Mat, duke evituar kështu edhe djegien e pyllit.
Burime nga policia e Matit bëjnë të ditur se për fat të mirë, nuk ka asnjë të lënduar nga djegia e makinës.
Në afërsi të vendngjarjes, blutë kanë takuar drejtuesin e mjetit i cili mësohet se ka deklaruar se zjarrin ja ka vënë vetë makinës.
Për këtë blutë e Matit kanë bërë shoqërimin në komisariat të 40 vjeçarit Aleksandër Kallaveri nga Dibra. Kallaveri është marrë në pyetje nga grupi hetimor për të zbardhur rrethanat e ngjarjes. (D.D/Shuplaka)
