Kryetari i Bashkisë së Tiranës Erion Veliaj, i ftuar në emisionin “Tonight Ilva Tare”, ka folur për vendimin e fundit të institucionit që ai drejton, për të rritur çmimin e ujit të pijshëm.
“Për situatën e ujit….Për herë të parë Bashkia e Tiranës ka marrë përsipër menaxhimin e ujit kur kryetar ishte Lulzim Basha, por kur ishte vetëm Tirana, por sot Bashkia ka marrë edhe zona si Kashari. Një pjesë që nuk ka qenë fare në Tiranë janë ujësjellës kanalizime të fshatrave. Gjatë kohës që PD menaxhoi komunën Karash dha vetëm leje dhe pa vendosur fare rrjetin e ujit.”, sqaron Veliaj.
Mirëpo, ndër të tjera Veliaj ka akuzuar ish-kryeministrin Sali Berisha, që ai e dinte i pari se çmimi i ujit do rritej, sepse ai ia ka gropën ujësjellësit.
“Sepse ne kemi filluar diskutimin në këshillin bashkiak dhe sepse Berisha është shumë në dijeni çfarë i ka bërë ujësjellësit të Tiranës. I ka lënë një gropë të zezë kur falimentoi shtetin, një vit përpara se të ikte, vajti i kërkoi Ujësjellësit të blinte 6 fishin e tregut, lanabregasin e Tiranës.
Kështu që një njeri që ta ka bërë gropën e di edhe sa e thellë është gropa. Ujësjellësi i Tiranës është menaxhuar nga qeveria qendrore, kur ja transferoi bashkive në 2012-ën një nga hilet që bëri për të mbushur defiçitin buxhetor i kërkoi BSH të blinte sa frëngu pulën Hotel Dajtin, i kërkoi bashkisë së Tiranës të blinte sa frëngu pulën lanabregasin.”, deklaroi Veliaj. (D.D/Shuplaka)
Discussion about this post