Pas një sherri gjatë orëve të para të mëngjesit të sotëm në Sarandë një person ka humbur jetën dhe tre të tjerë janë plagosur. Ngjarja e rëndë ka ndodhur në Borsh të Sarandës pas një sherri me thika mes 7 të rinjve.
Viktima është 31- vjeçari Premtim Bega.
Sherri ka ndodhur gjatë orëve të para të mëngjesit të sotëm, saktësisht në orën 01:30.
Një prej të plagosurve është 24 vjeçari me iniciale E.O i cili ndodhet në gjendje të rëndë.
Nuk dihen ende motivet dhe rrethanat e ngjarjes. Policia ndodhet në vendngjarje dhe po heton rreth krimit. (J.V/Shuplaka)
