Rreth 980 persona përfitojnë kredi të butë nga Bashkia e Tiranës, zbardhet LISTA E FITUESVE

Përveç rritjes së çmimit të ujit, Këshilli bashkiak pritet të miratojë në mbledhjen e sotme edhe listën e atyre personave që do të përfitojnë nga  zbatimi i programit social të strehimit për kreditë e buta për blerjen e një shtëpie, duke marrë përsipër të subvencionojë interesat e tregut bankar.

Kështu, sot do të përfitojnë një kredi të butë rreth 1 mijë familje të reja në Tiranë. Në marrjen e detyrës, kryebashkiaku i Tiranës pati premtuar rikthimin e kredive të buta si një tjetër alternativë që Bashkia e Tiranës ofron për t’i dhënë fund problemit të strehimit në kryeqytet, krahas programeve të tjera që zbaton prej muajsh.

Sipas bashkisë së Tiranës, Kredia do të jetë e garantuar ndaj luhatjeve të tregut. Do të jetë 3% për 20 vjet dhe çdo interes mbi 3% amortizohet nga Bashkia e Tiranës.

Nga skema e kredive të buta përfituesit kryesorë janë kryesisht familjet e reja, megjithatë edhe familjet e tjera që nuk kanë një mundësi të blejnë një shtëpi vetë nuk përjashtohen nga kjo mundësi.

Sakaq është zbardhur edhe lista e 977 personave që do të përfitojnë nga kjo skemë për kredi të buta. Për të tjerë aplikues që nuk e gjejnë emrin në këtë listë, mund të kenë një tjetër mundësi në një fazë të dytë, pasi të jenë plotësuar me dokumentacionin e nevojshëm. (D.D/Shuplaka)

LISTA: