Duka i Madh i Luksemburgut mesazh urimi Presidentit Meta: Qytetarët shqiptarë në Luksemburg dëshmojnë miqësinë midis popujve tanë

Duka i Madh Henri i Luksemburgut, i ka dërguar një mesazh urimi  me rastin e detyrës së re Presidentin e Republikës së SHqipërisë, Ilir Meta.

Në mesazhin e urimit Duka i Madh i i Luksemburgut shkruan se marrëdhëniet midis dy vendeve do të vijojnë të konsolidohen edhe me tej.

“Me rastin e përurimit Tuaj në postin e Presidentit të Republikës së Shqipërisë, ju dërgoj përgëzimet e mia të sinqerta, duke ju uruar gjithashtu mbarësi në përmbushjen e misionit Tuaj! Përfitoj nga ky rast për të përshëndetur qytetarët e shumtë të Vendit Tuaj që jetojnë në Luksemburg, të cilët dëshmojnë dhe lidhjet e forta të miqësisë midis popujve tanë!”, është shprehur Lartësia e Tij, Duka i Madh Henri i Luksemburgut.

(S.SH/Shuplaka)