I kundërpërgjigjet menjëherë kolegut të tij, këshilltari i LSI-së në Këshillin Bashkiak të Tiranës, Eltjon Halimi. Këshilltari demokrat Akil Kraja hodhi akuza se këshilltarët bashkiakë të PS-së dhe LSI-së organizuan një takim të përbashkët, por Halimi thotë se nuk ka patur asnjë takim të fshehtë përveç atij zyrtar.
”Në mungesë totale transparence, të martën në mbrëmje, këshilltarët bashkiakë të PS dhe të LSI organizuan një takim të përbashkët pa pjesëmarrjen e shoqërisë civile e as më pak të këshilltarëve demokratë mbi çështjen e ngritjes së tarifës së ujit.”, tha sot Kraja. Dje në Këshillin Bashkiak u miratua rritja e çmimit të ujit me 31 vota.
DEKLARATA E PLOTË E KËSHILLTARIT TË LSI-së:
”E vërteta e vetme e mbledhjes së djeshme të Këshillit Bashkiak!
Sot, një këshilltar i PD në Këshillin Bashkiak, tregon një të vërtetë sipas tij, për mbledhjen djeshme të Këshillit Bashkiak. Në fakt ka vetëm një të vertetë për mbledhjen e djeshme, e cila është publike, e qartë, dhe që e di mirë çdo kush, përfshi edhe kolegun e PD!
Dje, nuk ka patur asnjë takim “të fshehtë” midis këshilltarëve PS-LSI, por ka patur vetëm një komunikim zyrtar, institucional, transparent dhe mediatik të Këshilltarëve të LSI. Ka patur një degjesë mediatike, një deklaratë po meditatike për kërkesat në mbrojtje të familjeve në nevojë, pensionistëve, shërbimeve të shportës, lidhjeve të paligjshme të oligarkëve si dhe kundër konçensioneve të shkollave. Para mbledhjes përsëri një deklaratë mediatike përpara Bashkisë, të përfaqësueses të Këshilltarëve të LSI, dhe mospjesëmarjen në sallë dhe në votim të Këshilltarëve të LSI.
Kjo është e verteta e vetme, e mbledhjes së djeshme! E vertetë që nuk lidhet me asnjë konçesion, me asnjë nga këshilltarët e përjashtuar nga Grupi i LSI, dhe as me pjesëmarjen për kuorumin fillestar të mbledhjes nga këshilltarët e PD.
Për këshilltarët e LSI, shumica e të cilëve janë studentë te ekselencës, qënia në këshill nuk lidhet aspak me milona të eurove, por vetëm me ngritjen dhe zgjidhjen e miliona halleve dhe shqetësimeve të të rinjve dhe familjeve të thjeshta të Tiranës! Kjo po, që duhet të mbahet mend!” (V.G/SHUPLAKA)
Akil Kraja dhe Eltjon Halimi
