Analisti Andi Bushati i ftuar në emisionin Të Paekspozuarit’ ëshët shprehur se zgjedhja e Donald Trump si president i SHBAka çorientuar politikanët në Shqipëri.
Ai shtoi dhe se mënyra se si PD dhe PS reaguan dhe ndërrimi i roleve në dy tre muaj, tregoi që e gjitha kjo është një farsë qesharake.
“Pa dashur të përsëris ato që tha Lubonja, kjo herë kishte edhe një specifikë më të madhe, sepse ngjarjet që ndodhen në SHBA, në njëfarë mënyre lëvizën dhe faktorët shqiptarë. Ne pamë që dhe para zgjedhjeve Edi Rama u mundua, duke kujtuar që Trump do të humbiste, u mundua të luante anti-Trump. Ndërkohë për një kohë shumë të gjatë Partia Demokratike nuk foli. Pra, edhe Basha, edhe PD-ja ishte më pro Hillary Klinton se sa Trump. Gjithçka filloj të ndryshojë mbas surprizës Trump dhe fitores së tij në Amerikë. PD-ja u bë pro Trump dhe anti sorosiste dhe Rama filloi të nxihej, si një njeri i Sorosit, si një njeri i pjesës ose i rrjetës oktapodike të Sorosit, që ka shkatërruar në njëfarë mënyre gjithë vendet e lindjes. Dhe këtu pastaj kemi të bëjmë thjeshtë më një teatër të pabesueshëm. Vetëm mënyra se si aktorët ndërruan rolet në dy tre muaj, tregon që e gjitha kjo është një farsë qesharake”, u shpreh Bushati.
(S.SH/Shuplaka)
Discussion about this post