De Biasi zbulon ekipin e ri kombëtar që mund të drejtojë në të ardhmen

Ish-trajneri i Kombëtares shqiptare,  Gianni De Biasi në një lidhje telefonike për “VIP Sport”,i ka dhënë fund zërave se cili do të jetë destinacioni i tij i ri.

Pas eksperiencave në nivel klubesh në Itali dhe Spanjë, si dhe përfaqësuese në Shqipëri,  trajneri italian i ka hedhur sytë drejt kontinentit aziatik.

“Ende nuk e kam të kristalizuar se kë do të zgjedh Kinën apo Japoninë, pasi kam disa kontakte, por personalisht do të preferoja Japoninë, edhe pse si vend më duket tepër strikt e ftohtë në mënyrën e jetës në përgjithësi”, – tha ekskluzivisht për VIP Sport italo-shqiptari 60-vjeçar, gjatë një lidhje telefonike nga Italia.

“Janë komplet ndryshe nga Italia dhe Shqipëria. Gjithsesi, brenda disa javësh do të vendos se ku do të shkoj”, përfundoi De Biasi. 

(S.SH/Shuplaka)