Pas largimeve në Hipoteka, zbulohet një tjetër plan i Ramës, “vetting” dhe konkurse për administratën

Pasditen e sotme kryeministri Edi Rama u kërkoi drejtuesve të hipotekave që të jepnin dorëheqjen brenda 24 orëve.

Mirëpo pas këtij vendimi të Ramës, mësohet një tjetër plan i tij lidhur me Administratën Publike. Balkanweb shkruan se skuadra që po punon për qeverinë e re, po harton një platformë vettingu për të gjithë punonjësit e shërbimeve ndaj publikut, duke filluar nga hipotekat, ku ky lloj Vettingu i posaçëm do të aplikohet për herë të parë.

Po ashtu, të gjithë punonjësit e hipotekave, hetimit tatimor e të tjerë, do të rekrutohen apo rikonfirmohen me një proces konkursi të posaçëm.

Nga ana tjetër, në çdo institucion shërbimesh pritet të ngrihet një zyrë e posaçme antikorrupsion, ndërsa po mendohet edhe për një komision shtetëror të etikës së shërbimit të administratës ndaj publikut. Asgjë nga këto nuk janë të konfirmuara zyrtarisht, megjithatë pritet që kryeministri Edi Rama t’i bëjë të ditura në ditët në vazhdim.

(D.D/Shuplaka)