Mbrëmjen e kaluar akademiku i njohur Artan Fuga,denoncoi rastin e shpërthimit të ujërave të zeza në të rruga “Him Kolli”, pranë Myslym Shyrit.
Ndërkohë sot, vetëm pak çaste më parë ai bën me dije se problemi është zgjidhur ndërsa shton se komuniteti i banorëve të prekur, falenderojnë punëtorët që prishën gjumin e tyre për të ta zgjidhur situatën brenda natës.
Mirëpo Fuga sjell ndërmend se Tirana ka nevojë ende për shumë investime, ndërsa shton se Tirana nuk është sheshi qëndror i saj. Fuga shprehet se punët e mëdha kërkojnë kohë dhe sjell ndërmend premtimet për tramvaj në kryeqytet.
REAGIMI I PLOTË I FUGËS
Brenda natës bashkia e Tiranës e vuri gjendjen në kontroll në rrugën Him Kolli që lidh rrugën e Kavajës dhe atë Myslym Shyri. Diagnostikoi defektin, dhe nisi punimet duke mos kursyer edhe mjetet e rënda. Komuniteti falenderon puntorët gjithashtu që sakrifikuan gjumin e tyre dhe ndërhynë me profesionalizëm.
Një qytet si Tirana sigurisht ka nevojë edhe për fasadën e vet sepse është kryeqytet i vendit. Por, Tirana nuk është sheshi qendror i saj, ca rrugë të Tiranës së re, nuk është Tirana brenda unazës së vogël të qytetit.
Aty rrinë efendikojtë. Sepse ata të lartit, që kanë përgjegjësinë dhe që duhet të ndanin fatin me ne qytetarët kanë iku andej larg qytetit. Tutje nga kodrat e Yzberishtit ta zemë.
Sepse dihet që hapësira urbane është vendi i përplasjeve të mëdha që duhen ekuilibruar.
Turistët dhe pushtetarët ndofta kanë nevojë për bulevarde dhe sheshe për mitingje dhe parakalime, kurse ne kemi nevojë për parkime pranë pallateve, për trotuare, për rregullime rrugicash, etj.
Tirana ka nevojë për vitrinat e të pasurve, por edhe për stacione autobuzash për fat të keq të shekullit të kaluar për qytetarin këmbësor. Për autobuza me kondicionerë, po, po, për tramwain që u tha dhe mbeti një iluzion dhe zhgënjim i madh.
Duam gjëra që investimet i thithin në mënyrë të qendrueshme, jo ndreq sot e prish nesër. Ka nevojë Tirana për investime kapitale që nuk përputhen me parimin “një punë e kryer cdo ditë”. Eshtë e rrezikshme kjo metodë nëse kuptohet dhe zbatohet shtrembër. Punët e mëdha kërkojnë kohë. (D.D/Shuplaka)
