Këngëtarja Orinda Huta dhe moderatori Turjan Hyska, një ditë më parë kurorëzuan në martesë lidhjen e tyre mbi 10-vjeçare.
Në fakt, Orinda Hutën e kemi parë edhe herë të tjera të veshur me fustan nusërie për shkak se ajo ka parakaluar shumë herë në pasarelat e Geraldina Sposa. Mirëpo deri dje nuk kishte ecur kurrë prej vërteti drejt altarit.
Pavarësisht se Orinda është veshur shumë herë me fustane nusërie nga më ekstravagantët, të ngarkuarit, për dasmën e saj ajo zgjodhi një fustan të thjeshtë nusërie. Madje edhe një tualet dhe model të thjeshtë flokësh. Kështu nga pompoziteti i pasarelave ekstravagante që i kishte përjetuar shumë herë, Orinda Huta preferoi thjeshtësinë.
Megjithatë duhet pranuar, se thjeshtësia i shkonte akoma më shumë Orinda Hutës. Pavarësisht se fustanet ekstravagante kanë bukurinë e tyre, Orinda me thjeshtësinë e saj kishte një tjetër sharm. Ndonjëherë thjeshtësia është ajo që duhet dhe Orinda e vërtetoi këtë. (D.D/Shuplaka)
[ngg_images source=”galleries” container_ids=”2525″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post