Ushtarët maqedonas nga nesër në stërvitje me ushtarët amerikanë

Nën emrin “Kalorësi Mbrojtës 17”, ministria e mbrojtjes në Maqedoni ka njoftuar ditën e sotme se 95 pjesëtarë të armatës do të marrin pjesë në ushtrime të përbashkëta ushtarake me afro 300 ushtarë amerikanë.

Zyrtarët e Maqedonisë kanë thënë se manovrat fillojnë sot dhe zgjasin deri më 10 gusht.

Ky ushtrim po bëhet pas manovrave shumë më të mëdha, në të ciliat ishin përfshirë më se 25 mijë ushtarë nga 22 vende anëtare të NATO-s dhe shtetet partnere, të mbajtura në Rumani, Hungari dhe Bullgari.

Ndërkohë ambasadori amerikan në Shkup, Jess Baily, tha se ushtarët e Shteteve të Bashkuara do të udhëtojnë prej ushtrimeve në Rumani, për të marrë pjesë në manovrat në Maqedoni.

(S.SH/Shuplaka)