U godit në orarin e punës nga bashkëshorti i pacientes, rrëfehet mjeku Besmir Grizhja: Ai ka kartelë psikiatrike

Mjeku kirurg Besmir Grizhja, i cili u godit sot me mjete të forta në oborrin e spitalit të Shkodrës, ka reaguar lidhur me ngjarjen.

Në një prononcim për Shuplaka”, Grizhja tregon se si ka nisur konflikti me bashkëshortin e pacientes së tij Ali Kopliku, i cili e goditi në ambientet e spitalit të Shkodrës.

“Kam patur një konflikt me një familjar të një pacienteje që e trajtojmë rregullisht, por i shoqi pretendon se po i zgjatet trajtimi, ndërkohë që ky i fundit ka kartelë psikiatrike. Për më tepër nuk merr as mjekim”, është shprehur Grizhja.

Ngjarja ka ndodhur mesditën e sotme dhe mjeku ka paraqitur edhe një kallëzim penal në polici.

Kujtojmë se sot kishte 5 javë që i kishte vdekur e ëma e mjekut, që në këtë qytet quhen “të 5-tat” dhe bëhet edhe një organizim familjar.

Besmir Grizhja në muajin shkurt ka kryer një ndërhyrje të rrallë kirurgjikale e cila është konsideruar histori suksesi. (D.D/Shuplaka)