Të tjera detaje kanë dalë në dritë lidhur me vrasjen në borsh, ku humbi jetën Premtim Bega dhe mbeti i plagosur shoku i tij, Enea Myftari.
Sipas gazetës “Panorama”, menjëherë pas përplasjes së parë mes Begës dhe Ronaldo Shehut, Xhonatan Muços si edhe një personi të tretë, Enea ka shkuar në polici dhe ka kërkuar ndihmë në Postën e Policisë Borsh.
Ena Myftari ka shkuar të takojë policin e shërbimit Shefqet Toci dhe i ka kërkuar që të bënte kallëzim pasi ndihej i kërcënuar nga personat që e goditën.
Mirëpo, Toci ka marrë në telefon komandantin e postës i quajtur Viktor dhe pasi i ka sqaruar problemin, i kanë thënë Myftarit që të paraqitej të nesërmen për kallëzimin.
Pas këtij takimi, Myftari është takuar në rrugë me komandantin e FNSH-së të cilit gjithashtu i ka thënë se kishte problem me dy djem. Mirëpo edhe ky i ka thënë që ditën tjetër të shkonte e të bënte kallëzim në Himarë.
Mirëpo pasi është larguar nga policia, pak metra më tutje personat me të cilët ishte konfliktuar i kanë dalë përsëri në drejtim të fermës.
Ata ishin me automjet tip “FORD” ngjyrë blu, i cili është në pronësi të Ruzhdi Hodos, babait të Nasi Hodos.
Personat kanë zbritur nga automjeti me leva, kacavida e thika në dorë dhe më pas ka ndodhur tragjedia. (D.D/Shuplaka)
Discussion about this post