”Marvit ja ngulën thikën!”, flet për herë të parë babai i 22-vjeçarit që u vra pas sherrit për një karikues telefoni

Tragjike ishte ndarja nga jeta pas një goditje me thikë në zemër e të riut Marv Mihali. Po edhe më e madhe se kurrë ka qenë dhimbja e familjarëve që humbën djalin e tyre të vetëm, pas një konflikti të tillë.

Në një reagim të shkurtër për “’Shekullin” babai i Marvit, Pavllo shprehet se djali i tij ka qenë një fëmijë shembullor që nuk ka sjellë asnjëherë probleme.

“E vërteta është sipas organeve të policisë. Për Marvin shkruajnë shokët e vet të shkollës, si djalë model dhe shembullor. Grupet e gangsterëve i ranë me thikë duke i çarë aortën, ata ishin 10-15 veta, kurse djali im ishte vetë i dytë. Marvi nuk i njihte.

Një shok i Marvit ja kishte shitur vagabondëve celularin. Shoku thërret Marvin nga lokali. Marvi nuk u përfshi në sherr, 3 grupet erdhën dhe i sulmuan këta të dy. Marvit ja ngulën thikën!”, rrëfen babai i djalit të vetëm, të cilit iu pre jeta në dysh.

(E.K/SHUPLAKA)