Kryeministri Rama duket se i është rikthyer komunikimit intesiv me ndjekësit në rrjetet e tij sociale. Kështu pas rihapjes së aplikimeve për zyrën e bashkëqeverisjes ai është ndalur që të kthejë përgjigje dhe për pyetjet e qytetarëve.
Po dikush nga ndjekësit kishte një kërkesë të veçantë, donte që të ishte pjesë e eskortës së kryeministrit.
Zoti kryeministër …ndoshta është kërkesa më e çuditshme që ke dëgjuar..kam shum dëshirë të jem në grupin e shoqërimit ..të eskordës suaj, nëse është e mundur që të kontaktojë me ndonjë sekretar apo komandant grupi”, i shkruante qytetari Ramës.
Mirëpo nuk ka vonuar as përgjigja e kryeministrit që thotë se zgjedhja e pjestarëve të ekskortës nuk është çështje e tij po e Gardës së Republikës.
‘’Faleminderit shumë po nuk merrem unë me eskortën, është punë e Gardës së Republikës”, shkruan Rama. Dhe më shumë se të gjitha ajo që të bën përshtypje është fakti se qytetarët ende i drejtohen kryeministrit për të gjetur një vend pune, edhe pse ky i fundit nuk është një punëdhënës. (E.K/SHUPLAKA)
Discussion about this post