Eugen Bitraj, 24-vjeçari i akuzuar si autor i vrasjes së Marvi Mihalit tek stadiumi Dinamo tre ditë më parë, e ka pranuar autorësinë e krimit para gjykatës së Tiranës, ku ai ka dalë për masën e sigurisë.
Prokuroria ka kërkuar arrest me burg për Bitrajt dhe tre bashkëpunëtorët e tij të arrestuar: Dejvi Bitraj,19 vjeç; Kridens Alla,19 vjeç dhe Marsel Alla, 23 vjeç, të gjithë banues Tiranë. Pritet vendimi i gjykatës për të rinjtë.
Ndërkohë që në ambjentet e jashtme të Gjykatës babai i Eugent Bitrajt ka thënë se situate mes dy familjeve është mjaft e nxehtë.
Ai ka shprehur ngushëllimet për familjen e Marvit dhe thotë se ata po përpiqen të gjejnë ndonjë mik të përbashkët për të zbutur situatën.
“I shpreh ngushëllimet familjes së 22-vjeçarit, – tha babai i Eugen Bitraj i prekur, para kamerave. – Jemi në një situatë shumë të vështirë. Askush nuk do të donte të ishte prind i asnjërit në këtë situatë, as i djalit që humbi jetën e as të atyre që sot janë fajtorë. Jemi shumë të tronditu. Fëmijët kanë bërë një gjë shumë të keqe. Duhet të gjejmë forca të reagojmë pozitivisht.
Ne nuk kemi mundësi të takohemi me familjarët e viktimës. Situata është shumë e nxehtë. Jemi në kërkim të gjejmë një mik të përbashkët të qetësojmë situatën,” tha ai.
(E.K/Shuplaka)
Discussion about this post