Prej mëngjesit të sotëm Bashkia e Tiranës ka nisur prishjen e shatërvanit te Zogu i Zi duke i hapur rrugën një projekti të ri.
Shumë kanë reaguar duke e quajtur të panevojshme këtë projekt po duket se Bashkia e Tiranës nuk ka kërkuar konsultë.
“Rrethrrotullimi i Zogut të Zi, i cili u ndërtua që në vitin 2006, por që nuk ishte funksional, do të transformohet në një portë hyrëse për kryeqytetin. Bashkia e Tiranës ka nisur punën për rikonceptimin e kësaj hapësire, duke përmirësuar jo vetëm funksionalitetin e tij në drejtim të lehtësimit të qarkullimit për automjetet, por duke e bërë atë të frekuentueshëm edhe për qytetarët e shumtë. Ndërsa për vendosjen e instalacionit në qendër të rrethrrotullimit, Bashkia po merr disa propozime nga skulptorë profesionistë.
Shatërvani aktual jofunksional do t’i nënshtrohet rikonstruksionit, duke krijuar një tjetër oaz të bukur në kryeqytet.
Rrethrrotullimi do të jetë shumë shpejt edhe një nyje gjelbërimi, e cila jo vetëm do të ketë një impakt pozitiv në aspektit estetik të gjithë zonës, por në të njëjtën kohë duke krijuar dhe një minipark ku qytetarët do të kenë akses.
Projekti parashikon shtimin e gjelbërimit, ndërtimin e rrugicave, vendosjen e stolave ku qytetarët mund të pushojnë”, thuhet nga Bashkia.
(E.K/SHUPLAKA)
Prishja e Shatërvanit ditën e sotme:
[ngg_images source=”galleries” container_ids=”2564″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]Projekti i Bashkisë:
[ngg_images source=”galleries” container_ids=”2565″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]