45 vite burg, ky është dënimi që gjykata londineze ka vendosur për bandën e trafikut të kokainës, që udhëhiqej nga një shqiptar.
Kapoja me origjinë shqiptare Lorenc Hoxha, 37 vjeç, kishte nën kontroll trafikun e kokainës dhe e udhëhiqte atë vetë në rrugët e Londrës.
Sipas hetimeve të policisë, banda përdorte kode për shpërndarjen e kokainës. Hetuesit bëjnë me dije se kodi kyç ishte “pizza”.
Madje disa prej mesazheve të zbuluara në telefonin e Hoxhës ishin: “Si është pica e re?” apo “Kur të dëshironi pica, mund të vini t’i merrni”.
Lorenc Hoxha ka dalë para gjykatës së Nottingham vetëm një ditë më parë, sëbashku me të arrestuarit e tjerë, mes tyre edhe një 28-vjeçar i quajtur Klinsi Rexha.
Sipas gjykatësit, Hoxha është i përfshirë në secilën ngarkesë, kishte kontroll mbi furnizimet që bënin të pandehurit si dhe persona të tjerë që nuk janë në bankën e të akuzuarve. Ai u dënua me 12 vjet e tre muaj burg. (D.D/Shuplaka)
Discussion about this post