Modelja shqiptare Emina Cunmulaj, ndryshe nga fotot që shohim në instagram të jetës së saj të luksit, zbulon detajet e jetës së saj të vështirë kur ishte vetëm një fëmijë.
Në një intervistë për Tirana Today, me lot në sy Emina ka zbuluar vajzën e thjeshtë përtej fotove të instagramit.
“Unë nuk mund të them që jeta që kam sot…është një jetë e mirë padyshim, por s’ka qënë kështu gjithmonë. Emina ka qënë një vajzë në një fshat të vogël, unë kam mjelë lopët deri sa kam pas 16 vjeçe. Unë kam kenë një vajzë shumë e thjeshtë dhe jam edhe tani. A kam vuajtur për fukarallik? Jo, s’kam vujt, këtë nuk mund ta them. Por, sidoqoftë më kujtohen hapat e para të modelingut kur kam qënë 15 vjeçare në Itali, kam në një dhomë me 5 vajza dhe kam hangër ushqime në konserva. Por kjo nuk është varfëri, në krahasim me atë ça kam pa sot. Unë kam pa varfëri nëpër botë, kam kenë në ndihmat humanitare në Indi dhe Afrikë, por prap se prap, është tjetër kur të thekson afër zemrës, kur e ndjen nanën shqiptare që dridhet e thotë: “Shihe ku flej, ku haj, ku rri..”, rrëfen Emina mes lotësh.
“Jeta ime nuk asht ajo e rrjeteve sociale, jeta ime luksoze bla, bla. Unë hipi majë traktorit siç edhe hipi në avion. I kam njësoj. Jam kush jam. Urdho nëse don, nëse jo, ditën e mirë.”, është shprehur më tej ajo.
Modelja ka qenë në një vizitë te një familje Shkodër, e cila jetonte në kushte ekstreme. Vizita ishte pjesë e nismës “Fundjave Ndryshe”.
“Trishtim, trishtim sepse…ku ka ba vaki, ku ka ba vaki që plaka 70-80 vjeçare të jetojnë në një shtëpi pa kurrëfare kushtesh…ato nuk janë kushte as për kafshë. Kur u nisëm ajo tha: Hajdeni përsëri për Bajram dhe kjo më të vërtet më ka dhimbt. Ndoshta sepse ajo është nanë, unë kam humb nanën time, jam bërë nanë vetë dhe mbase jam ba ma e ndjeshme.”, shprehet Emina e cila është e martuar me një bizmesmen me origjinë iraniane. (D.D/Shuplaka)
Discussion about this post