E moshuara vdes pasi shtrohet në QSUT, familjarët lajmërojnë policinë

Një e moshuar ka ndërruar jetë ndërsa ishte e shtruar në reanimacionin e QSUT-së, mirëpo familjarët e saj kanë patur dyshime dhe kanë lajmëruar policinë.

Mësohet se 73-vjeçarja me inicialet M.D. ishte shtruar në reanimacionin e QSUT-së më 3 gusht për shkak të komplikacioneve shëndetësore por ka ndërruar jetë rreth orës 3:00 të mëngjesit të së premtes.

Familjarët dyshojnë për rrethanat e vdekjes së saj, ndaj kanë kërkuar edhe ndihmën e policisë. Bardheëeblutë kanë nisur procedurat për këqyrjen e kufomës së 73-vjeçares në Institutin e Mjekësisë Ligjore në Tiranë. (D.D/Shuplaka)