Fëmijët kanë karakterin dhe inteligjencën e tyre të cilat duhet të stimulohen nga prindërit. Të gjithë fëmijët kanë një zhvillim ndryshe, pra personal, por kanë një të përbashkët, ata të gjithë kanë të dëshirë të stimulohen dhe të mësojnë gjëra të reja, kështu fëmijëria e tyre do të jetohet në mënyrën e duhur.
Si të stimulojmë inteligjencën e fëmijës?
• I lexoni sa më shumë dhe i mësoni fjalë të reja.
I lexoni gjithmonë gjëra të reja, kështu ai do të ketë interes të mësojë dhe kuptojë më shumë.
• E mësoni si të mbajë rregull.
Pasi keni përdorur një objekt të cakuar e mësoni fëmijën ta vendosë në vendin e vet duke ndjekur shembullin tuaj. Kjo është mënyra më e mirë për t’i mësuar se çdo gjë ka vendin e tij.
• I jepni detyra të përditshme dhe të thjeshta.
Një mënyrë për të stimuluar inteligjencën e fëmijës është ta bëni atë të jetë i përgjegjshëm. Kështu ai do të mësojë të kujdeset për gjërat që e rrethojnë dhe nëse është mashkull do të kuptojë se disa gjëra nuk janë detyrë vetëm e gruas.
• E bëni të dëgjojë muzikë.
Kjo përfaqëson një terapi të vërtetë në lidhje me stimulimin e inteligjencës, ai mëson fjalë të reja, vargje dhe ritme. Duke u rritur nëpërmjet këngës ai do të jetë gjithmonë në gjendje të shprehë emocionet e veta.
• Stimuloni aftësitë e tij në të folur.
Ai duhet të mësohet edhe në lidhje me përgjigjet që duhet të japë, nëna dhe babai duhet ta mësojnë si të shprehet. Një rëndësi të madhe në lidhje me këtë ka dialogu./ Burimi ”përnënat.al’
Discussion about this post