Zjarri në Tunelin e Elbasanit, arrestohen 3 të rinj si autorë të dyshuar

3 persona kanë rënë nën prangat e Policisë pasi dyshohet se kanë shkaktuar zjarrin në Tunelin e Elbasanit.

“Finalizohet operacioni policor i koduar “KRRABA”. Arrestohen 3 shtetas, autorë të zjarrit mbi tunelin e Krrabës.

Më datë 08.08.2017, shërbimet e policisë të Komisariatit Nr.1, pas një pune intesive hetimore disa ditore, bënë të mundur dokumentimin me prova ligjore të autorësisë së zjarrit të rënë mbi tunelin e Krrabës”, thuhet në njoftimin e Policisë. 

Si rezultat i punës policore u bë e mundur arrestimi i shtetasve :

 – Armand Ukaj, 22 vjeç, banues në fshatin Krrabë.

– Oltjan Deda, 26 vjeç, banues në fshatin

, Krrabë. –

 G.P, 17 vjeç, banues në fshatin Krrabë . Arrestimi i këtyre shtetasve u bë pasi, këta shtetas më datë 06.08.2017, mbi tunelin e Krrabës, kishin hapur disa gropa për të bërë qymyr, ku për pasojë është përhapur zjarri në pyll, i cili vazhdon prej 3 ditësh dhe janë djegur mbi 15 hektar pyje (lisa, mare, dushk). Shërbimet e policisë vazhdojnë punën në bashkëpunim me Emergjencat Civile, PMNSZH dhe forcat e Armatosura për fikjen e zjarrit.

 Materialet u referuan në Prokurorinë e Rrethit Gjyqësor Tiranë, në ngarkim të shtetasve të lartpërmendur, për veprën penale ” Shkatërrim me zjarr i pyjeve dhe i mjedisit pyjor”, parashikuar nga neni 206/b dhe 25 i Kodit Penal.