Thyente shishe dhe përdorte fjalë fyese, kush ua prishi qetësinë durrsakëve mbrëmjen e djeshme

Nën efektin e alkolit një 59 vjeccar në qytetin e Durrësit ka shkaktuar një rrëmujë të vërtetë. Ai ka thyer shishe, ka bërtitur dhe ka shqetësuar të pranishmit përreth derisa është arrestuasr nga Policia.

Policia njofton se specialistët për Krimet në Komisariatin e Policisë Durrës arrestuan në flagrancë shtetasin Gjergji Zonja 59 vjeç, banues në Durrës.

“Më datë 11.08.2017, rreth orës 22:20, në lagjen Nr.4, tek Stacioni i Trenit, në gjëndje të dehur ka prishur qetësinë publike duke përdorur fjalë fyese dhe duke thyer shishe”- njofton policia.

Sipas saj, gjatë shoqërimit për në ambientet e Komisariatit të Policisë ka kundërshtuar me dhunë patrullën e policisë.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Prishja e qetësisë publike”dhe ” Kundërshtimi I punonjësit të policisë së rendit publik” parashikuar në nenet 236/2 dhe 274 të Kodit Penal. 

(E.K/SHUPLAKA)