Partia Demokratike ka dënuar sërish sot largimin e përgjegjësive nga deputeti Aqif Rakipi pas aksidentit me makinë që shkaktoi dhe i mori jetën një personi.
Ashtu siç kemi thënë edhe më parë Neni 273 i Kodit Penal thotë se personi që përfshihet në aksident mban përgjegjësi edhe për largim nga vendngjarja, përgjegjësi që në vetvete denohet deri në 1 vit burgim.
Po kjo nuk ka ndodhur me deputetin Rakipi. Pd ngre akuza dhe për shkak të lidhjes që përflitet se deputeti ka me kryeministrin Edi Rama.
“Neni 273 i Kodit Penal, i cili është në fuqi edhe për miqtë e Edi Ramës, dikton se Aqif Rakipi mban përgjegjësi edhe për largim nga vendi i aksidentit, përgjegjësi që në vetvete denohet deri në 1 vit burgim.
Mbarë opinioni publik është i revoltuar se si gjithë shteti është vënë deri tani ëe shërbim të deputetit mik të Ramës, dhe në kurriz të viktimës. Gjithcka për ta paraqitur viktimën fajtor te aksidentit dhe fajtorin viktimë.
Largimi nga vendngjarja pas përplasjes për vdekje të Seit Sorrës, përveçse akt burracak i deputetit Rakipi, është edhe vepër e pastër penale që e rëndon pozitën e tij para ligjit.
Por miku i kryeministrit po përfiton nga Edi Rama i cili është në vijim të qendrimeve të tij te njohura, pranë krimit e larg qytetarëve. Per më teper, qe deputeti Rakipi njihet si pike kyce e nderlidhjes se Edi Rames me trafiqet.
Partia Demokratike i kërkon Prokurorit të Pergjithshëm dhe Kreut të Parlamentit të nisin urgjent procedurat e heqjes se imunitetit të deputetit Rakipi, dhe një hetim të plotë dhe te pandikuar te ngjarjes, në mënyrë që të ketë drejtesi për viktimën”, thuhet në deklaratën e PD-së.
(E.K/SHUPLAKA)
Discussion about this post