Pas dasmës së Orindës dhe Turit, të gjithë sytë i kanë nga Xhensila Myrtezaj dhe Bes Kallaku. Çifti i famshëm pritet të martohen në muajin shtator.
Xhensila ka preferuar të mos e bëjë publike datën e martesës mirëpo sot ka zbuluar detajin më të rëndësishme nga dasma, fustanin e nusërisë.
Përmes disa fotove të publikuara në instastoryn e saj, këngëtarja zbulon se do të veshë një fustan model sirene. KËshtu fustani do të jetë i gjatë dhe i ngushtë në pjesën e sipërme, ndërkohë që pjesa e poshtë vjen duke u hapur dhe mbyllet me një bisht të gjatë.
Më herët, Xhensila ka treguar se për këtë rast kaq të rëndësishëm të jetës së saj, fustanin ia ka besuar Valdrin Sahitit dhe ‘Altar’, ndërsa për dekorin do të kujdeset “Geraldina Sposa”.
Kujtojmë se Xhensila dhe Besi deri më tani kanë zbuluar se do të martohen në shtator dhe nuk do të ketë vetëm një, por plot tre dasma: Një me miqtë dhe të afërmit e Besit, një me miqtë dhe të afërmit e Xhensilës dhe një vetëm me të ftuar VIP.
Kështu që ende nuk dihet nëse ky do jetë fustani i vetëm i Xhensilës, apo do të ketë edhe të tjerë. Mirëpo duhet të presim ditën e dasmës për ta shuar këtë kuriozitet. (D.D/Shuplaka)
[ngg_images source=”galleries” container_ids=”2628″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post