Faji e ndjek nga pas, 70-vjeçari në Durrës hetohet nga Prokuroria për aktivitetin në zyrën e ALUIZNI-t

E vërteta del në shesh dhe prandaj duhet të jemi të kujdesshëm gjatë gjithë periudhës kur kemi përgjegjësi në jetë.

Një 70-vjeçar, i cili po shijonte pensionin në shtëpinë e tij në Durrës, është vënë në hetim nga Prokuroria e qytetit bregdetar, për shkak të pozitës që ka pasur si ish-punonjës i Aluiznit.

Drejtoria Vendore e Policisë Durrës, konkretisht seksioni kundër korrupsionit, më datë 14.08.2017, referuan materialet në Prokurorinë e Rrethit Gjyqësor Durrës, për shtetasin P.Z, 70 vjeç.

Ky ka qenë punonjës i Aluiznit, dhe dyshohet se për periudhën 2007-2012, ka shpërdoruar detyrën duke i marrë 2000 euro, për t’i legalizuar banesën shtetasit A.F, 55-vjeç, banues në Durrës, banesë e cila është prishur me vendim Gjykate.

Akuzohet per vepren penale parashikuar nga Neni 259 i Kodit Penal. (E.K/SHUPLAKA)