Kreu i Grupit Parlamentar të LSI-së ka reaguar për shifrat që ka publikuar INSTAT lidhur me rritjen ekonomike në Shqipëri.
Vasili thotë se shifrat e INSTAT tregojnë se pagat janë ulur me 2.1%, ndërsa nga ana tjetër çmimi i mallrave të konsumit është rritur me 1.3% dhe sipas tij tregojnë qartë një ekonomi në krizë, pa prioritete.
“Ekonomia e Shqipërisë dhe zhvillimi i saj shumëvjeçar nuk mund të jenë pronë e një maxhorance, e cila mund të jete e paditur si kjo jona apo e lajthitur dhe e kapur, që nuk kupton, se është për të vajtuar kur thotë se ekonomia po rritet, kur ajo nuk prodhon asnjë gram mirëqenie për qytetarët.
Boll u tallët me ekonominë dhe me qytetarët.
Është tallje rrënuese kjo.”, shprehet Vasili.
REAGIMI I PLOTË:
Instat tregon se pagat janë ulur me 2.1% dhe çmimet e mallrave të konsumit me 1.3%.
Këto janë shifra që tregojnë qartë një ekonomi në krizë, pa prioritete, që ecën përpara me ç’të bjerë dita dhe pa asnjë strategji zhvillimi afatgjatë, pra pa asnjë vizion.
Shkollëpakti, kryeministri ynë, na njofton përditë për dëgjesat e degjimeve të vetes, po s’thotë asgjë për ekonominë dhe ka të drejtë, pasi ekonominë e tij e ka në rregull….
Duhet Pakt Kombëtar për Ekonominë.
Kjo ecje e çoroditur, pa prioritete, është thjesht dhe vetëm agoni për ekonominë e vendit dhe ekononominë familjare të çdo shqiptari.
Ekonomia e Shqipërisë dhe zhvillimi i saj shumëvjeçar nuk mund të jenë pronë e një maxhorance, e cila mund të jete e paditur si kjo jona apo e lajthitur dhe e kapur, që nuk kupton, se është për të vajtuar kur thotë se ekonomia po rritet, kur ajo nuk prodhon asnjë gram mirëqenie për qytetarët.
Boll u tallët me ekonominë dhe me qytetarët.
Është tallje rrënuese kjo.
(J.V/Shuplaka)
Discussion about this post