Modelja e njohur shqiptare Adrola Dushi dhe këngëtarja Miriam Cani, janë ndeshur me kritikat e fansave lidhur me të njëjtën çështje, të dyja publikuan foto duke puthur fëmijët në buzë.
Vetëm pak kohë më parë, Dushi u kritikua ashpër nga disa ndjekës në rrjetet social, për shkak të një fotoje ku shihej duke puthur në buzë të birin.
Mirëpo lidhur me këtë modelja reagoi mjaft ashpër, duke thënë se mënyra se si transmetohet dashuria e nënës për të birin nuk ka formë as mënyra dhe për këtë nuk mund të të mësojë asnjë psikolog, doktor apo i afërm.
“Doja mos të prishja qetësinë e pushimeve të mija, mos të merresha me komentet ofenduese dhe e fshiva këtë foto,shumë të dashur për mua, por që ka shkaktuar shumë polemika.
Jam e vetëdijshme që jo çdo postim i imi do shkaktojë simpatine tuaj, që jo çdo postim do të shkaktojë dashamirësinë tuaj,të cilën nuk ma keni kursyer asnjëherë; Por kurrë nuk kam pritur që të më ofendonit për mënyrën se si ia trasmetoj dashurinë tim biri. Si t’i edukojmë fëmijët ka forma të caktuara, si t’ju flasim atyre ka forma të tjera. Çdo kush mund të të japi një këshillë se në çfarë forme t’i bëjmë këto gjëra. Gjithçka në jetë bëhet sipas disa formave vëtëm trasmetimi i dashurisë tek fëmija yt nuk mund të ketë formë as mënyrë. Dashuria për fëmijën është ndjenja më e madhe në botë dhe asnjë psikolog, doktorr, i afërm apo kushdo qoftë nuk mund të të tregojë se si ta shfaqësh atë. Për gjithçka mund të më kritikoni, por vetëm se si e shfaq dashurinë ndaj fëmijës tim jo; aq më pak të më ofendoni.”, shkruante Dushi.
Ndërkohë sot në të njëjtën situatë ndodhet edhe këngëtarja Miriam Cani, e cila ka publikuar një foto me vajzën e saj Ameli, ku gjithashtu shihet duke e puthur në buzë.
“Mirëmëngjes nga parajsa”, shkruante Miriami krahas fotos, e cila duket se nuk është pritur mirë nga ndjekësit të cilët i shkruajnë se “nuk puthet fëmija në buzë”.
“Ashtu e? Kush e thotë këtë?”, i është përgjigjur Miriami një komentueseje. Më poshtë keni edhe fotot që kanë shkaktuar këtë debat aq të madh në rrjetet sociale, nëse puthet apo jo fëmija në buzë. (D.D/Shuplaka)
[ngg_images source=”galleries” container_ids=”2635″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
