Në Turqi nga policia është vrarë një anëtar i dyshuar i grupit të Shtetit Islamik dhe janë arrestuar katër të tjerë, të gjithë të dyshuar për planifikimin e një atentati me bombë.
“Automjeti që transportonte pesë të dyshuarit u ndalua në rajonin jugor të Hatayt, kufi me Sirinë, pas informacioneve për ardhjen e tyre në vendin tonë për të kryer një atentat me bombë”, deklaroi zyra e guvernatorit të provincës.
Ai shtoi se katër prej tyre iu ishin dorëzuar forcave të policisë, por këtyre të fundit iu është dashur të hapin zjarr ndaj të pestit, i cili ka tentuar t’i sulmojë.
“Identifikuar si një sirian, ai ka humbur jetën”, sipas komunikatës së zyrës së qeverisë.
Sjellim në vëmendje që ditët e fundit Europa është tronditur nga disa sulme terroriste, ku më i përgjakshmi ishte ai në Barcelonë ku humbën jetën 14 persona. (J.V/Shuplaka)
