Guardia di Financa: 24 ton drogë nga Shqipëria vetëm në 2017-tën, rekord me vitet më herët

Prej kohësh Shqipëria është shndërruar në një nga shtetet tranzite dhe prodhuese të lëndëve narkotike kryesisht me drejtim Italinë.

Çdo javë dëgjohen në mediat italiane raste kur trafikantë shqiptarë dhe drogë ‘’made in Albania” kapen në shtetin fqinj.

Ndërkohë që shifrat për këtë vit në shtetin fqinj kanë tejkaluar çdo kufi të vendosur më parë.

 “Gjatë vitit 2017 është kapur një sasi rekord droge”, ky është përfundimi i Guardia di Financa pas sekuestrimit të 600 kg kanabis para dy ditësh të ardhur nga Shqipëria.

 Sipas shifrave të Guardia di Finanza italiane nga fillimi i vitit 2017 janë sekuestruar rreth 24 ton marijuanë ndërsa janë arrestuar 32 skafistë.

Ndërkohë në të njëjtën periudhë të vitit 2016, janë sekuestruar rreth 22 tonë marijuanë.
Policia Italiane skafistët dhe ngarkesën e fundit i bllokoi para dy ditësh. Të arrestuarit janë nga Vlora R.L. 30 vjec dhe D. H. 23 vjec, ndërsa droga e sekuestruar kap shifrën e 6 milion eurove.

Pavarësisht se qeveria shqiptare thotë se e ka pothuajse të përfunduar betejën me kultivimin e drogës shifrat e nxjerrin tërësisht zbuluar.

(E.K/SHUPLAKA)