Liga e Kampionëve/sukses i shqiptarëve, Hysaj dhe Ahmedi kalojnë në grupe, Hasi mban fjalën ndaj grekëve (VIDEO)

Lojtarët shqiptarë Elseid Hysaj (Napoli) dhe Valon Ahmedi (Maribor) do t‘I shohim të luajnë edhe në fazën e grupeve të ligës së kampionëve.

Napoli mundi me rezultatin 2-0 Nicën në fushën e kësaj të fundit duke dominuar ekipin francez, ku Hysaj luajti për 90 minuta.

Ahmedi u kualifikua me Mariborin, duke kaluar izraelitët e Hapoel Ber Shevës. Goli i Viler në fillimin e ndeshjes mjaftoi që skuadra e mesfushorit shqiptar të arrinte në futbollin e rëndësishëm europian falë rregullit të golit jashtë fushe.

Një mbrëmje tepër positive ishte edhe për Besnik Hasin, trajnerin shqiptar të ekipit grek Olimpiakos. Skuadra greke u kualifikua gjithashtu duke mundur kroatët e Rijekës.

Hasi çoi Olimpiakosin në grupet e Ligës së Kampioneve, ashtu siç kishte premtuar kur mori drejtimin e skuadrës greke.

NDESHJET:

Maribor-Hapoel Ber Sheva 1-0 (1-2)
15 Viler

Nicë-Napoli 0-2 (0-2)
48 Kajehon, 89 Insinje

Rijeka-Olimpiakos 0-1 (1-2)
25 Marin

Sevilja-Istanbul Bashakshehir 2-2 (2-1)
52 Eskudero 75 Ben Jeder / 17 Elia  83 Viska