Deputeti i PD-së akuzon ambasadoren e shqipërisë në holandë: Gënjeve hapur për vizat

Deputeti i Partisë Demokratike, Agron Shehaj ka sulmuar ditën e sotme ambasadoren e vendit tonë në Holandë, Aida Sakiqi.

Sakiqi në një intervistë për “T.CH” u shpreh ditën e djeshme se raporti për rikithimin e vizave për shqiptarët nuk ekziston.

“Nuk bëhet fjalë për një raport, por për një artikull të një gazete. Ai është një artikull i shkurtër me një intervistë me një polic. U habita kur e pashë artikullin e përkthyer si raport në disa media në Shqipëri. Në artikull thuhet se ekziston një memo, normalisht duhet të ekzistojë një gjë e tillë, nga ana e policisë, por nuk është raport”, tha Sakiqi.

Shehaj e akuzon Sakiqin se ajo ka gënjyer dhe ka mohur ekzistencën e raportit të Policisë Holandeze dhe për faktin se një vend i vetëm i BE-së nuk mund të ndikojë në heqjen e regjimit Shengen.

“Ambasadorja shqiptare “hakmerret” ndaj Hollandës, e përshkruan si vend të “degjeneruar”: JA SI GËNJEN HAPUR PËR VIZAT!” Shkruan Shehaj.

(S.SH/Shuplaka)