Trajneri Italian i Kombëtares Shqiptare në konferencën për mediat para grumbullimit të skuadrës për ndeshjet eleminatore ka folur edhe për emrin e ri që do të jetë në rolin e kapitenit te Kombëtarja.
Panuçi u shpreh se nën drejtimin e tij shiritin e kapitenit pë herë do ta bajë lojtari që ka më shumë ndehje me Kombëtaren se të gjithë të tjerët që janë të pranishëm në fushë.
Po ashtu Panuçi lajmëroi se ka lënë jashtë ekipit një lojtar për shkak të sjelljes. Bëhet fjalë për sulmuesin Sokol Cikalleshi që sipas Panuçit i kërkuar leje që të firmosë kontratën me klubin e tij dhe se do të vonohej për grumbullimin me ekipin.
“Janë tre lojtarë të rinj pasi në këto muaj më është dukur e drejtë që ti jap të drejtë që të vinë në Kombëtare. Janë 23 lojtarë sepse këtë mëngjes fola me Cikalleshin dhe më tha që nuk mund të vinte sepse duhet të ishte present me skuadrën e re ku duhej të firmoste Kombëtaren.
Unë i thashë që nuk mund të merrte leje për të mos qenë me Kombëtaren, pasi ka disa mënyra të tjera që mund të firmosësh kontratë pa qenë i pranishëm. Ka disa rregulla që duhet ti plotësosh dhe për këtë shkak ai mbetet jashtë Kombëtares”, sqaroi Panuci.
Në këtë mënyrë tekniku Italian duket se ka dashur që të tregojë forcën e tij në lidhje me rregullat që do të vendosen brenda ekipit.
Sipas tij për lojtarët që vijnë në ekipin Kombëtar duhet të jetë një krenari. Po ashtu Panuçi ka folur në lidhje me mbetjen e Xhakës jashtë lojtarëve të grumbulluar për dy ndeshjet e ardhshme ku është shprehur se ky nuk ka qenë një vendim i marrë për shkak të sjelljes së tij, po për arsye teknike.
‘’Xhaka gaboi, po më kërkoi ndjesë, dhe për mua Shqipëria është e para jo inatet personale”, u shpreh tekniku Italian.
(E.K/SHUPLAKA)
Discussion about this post