Ambasadori i SHBA-ve, Donald Lu, i ka dërguar një letër falenderimi Eglantina Gjermenit, e cila nuk u përzgjodh nga Rama për të qenë në postin e ministres në mandarin e dytë të tij.
Në letrën e dërguar Lu shprehet se Shqipëria është më e mirë për shkak të shërbimit të ministres Gjermeni.
“Shqipëria është më e mirë për shkak të shërbimit tuaj, e di gjithashtu që ju jeni një nga zërat më të fuqishëm në mbështetje të barazisë dhe çështjeve gjinore në Shqipëri”, shkruan ndër të tjera ai.
LETRA:
E dashur Tina,
Në emër të kolegëve në Ëashington dhe të Ambasadës Amerikane në Tiranë dëshiroj t’ju përgëzoj për 4 vitet e shërbimit shembullor si Ministre e zhvillimit urban. Ju jeni një nga njerëzit e parapëlqyer në qeveri për arsye të kujdesit dhe qasjes njerezore në punën tuaj. E di që kalimi nga shoqëria civile në politikë ka qenë një sfidë për ju, por kam besimin e plotë se Shqipëria është më e mirë për shkak të shërbimit tuaj në qeveri. E di gjithashtu që ju jeni një nga zërat më të fuqishëm në mbështetje të barazisë dhe çështjeve gjinore në Shqipëri. Jam i sigurt që puna juaj drejtuese në këtë fushë do të vazhdojë. Ka qenë kënaqësi të punonim me ju në cilësinë e Ministres dhe mirëpresim çdo bashkëpunim me ju në të ardhmen. Ne vlerësojmë atë që ju keni bërë për Shqipërinë dhe për marrëdhëniet Shqipëri SHBA.
Sërish përgëzimet më të përzemërta.
Sinqerisht
Donald Lu
(B.H/Shuplaka)
Discussion about this post