Nga mbledhja e sotme e Task Forcës shumë shifra u thanë për kapjen e sasive të kanabisit apo arrestimin e personave që janë pjesë e grupeve kriminale.
Zëvendësministrja e Brendshme Rovena Voda e bindur u shpreh se Shqipëria nuk është më një vend orgjinë droge, ndërsa Rama e cilësoi këtë një sukses të garantuar.
Ndërkaq nga shifrat e publikuara janë evidentuar edhe qarqet më problematike dhe me rrisk më të lartë që sipas të dhënave të Policisë kryesohen nga Shkodra edhe Durrësi.
Pak të çuditshme në fakt, sepse sa herë që përmendet droga dhe kanabisi shumëkush prej nesh do të kishte në mend qarqet më jugore të vendit siç është Vlora apo Gjirokastra.
Në raportimin e situatës së drogës sipas qarqeve Policia e ka konstatuar se qarqet me rrezik më të lartë janë:
-Shkodra me 22%
-Durrësi me 19%
-Vlora me 14%
-Lezha me 10%
– Fieri me 7%
Nuk dihet nëse Policia e Shtetit merr parasysh situatën aktuale apo ka një parashikim bazuar në të dhënat e saj për muajt që do të vijnë.
(E.K/SHUPLAKA)
