S’i ndërpritet zelli Lu-së, pas Kodhelit dhe Gjermenit i shkruan dhe një zonje tjetër. Po ajo a është ministre?!

Ende pa lënë zyrtarisht detyrën Kodheli dhe Gjermeni kanë marrë një letër nga ambasadori amerikan Donald Lu.

Natyrisht me vlerësimet më të larta për punën e tyre në letrën e drejtuar Gjermenit shohim se Lu e thërret atë shkurt, me ‘’përkëdheli” do thonim ne shqiptarët, Tina.

Po zelli i Lu-së duket se nuk është mjaftuar me kaq. Ai ka shkruar dhe një letër për ministren e Drejtësisë propozuar nga Rama, Etilda Gjonaj. Në nxitim e sipër Lu, ose duhet thënë ndoshta edhe stafi i tij kanë ngatërruar dhe mbiemrin e saj duke e shkruar Gjoni.

Po përveç kësaj ka diçka që nuk shkon tjetër  në letrën e Lu-së, Gjonaj ende nuk e ka marrë detyrën e re si ministre. Ajo është zyrtarisht ministre pas votimit në Kuvend dhe betimit në Presidencë.

Ndoshta drejtësia është një fushë shumë e dashur për ambasadorin amerikan Donald Lu, saqë me pasion nisin kontaktet me ministren e ardhshme. Se ndryshe dhe ministret e tjera të propozuara do të duhet të kishin marrë ndonjë letër.

(E.K/SHUPLAKA)