Shoqata e transportit protestë para MTI: Po na konkuron biznesmeni me licenca paralele

Ditën e sotme përfaqësues të Shoqatës së Transportit Ndërqytetas po protestojnë sot përpara Ministrisë së Transportit dhe Infrastrukturës.

Ata kanë dalë për të protestuar pasi sipas tyre është bërë një  “pazar” që po i fut në konflikt operatorët e linjës së autobusëve Elbasan-Tiranë.

Kryetari i Shoqatës, Kujtim Mema sqaroi se operatorët e kësaj linje po konkurohen në mënyrë të pandershem pasi MTI ka dhënë 82 licensa paralele për operatorë të tjerë, që bëjnë të njëjtën linjë, në të njëjtin orar dhe i ka futur në konflikt me njëri-tjetrin. Ai thotë se licencat në fjalë janë marrë nga një biznesmen që edhe i ka kërcënuar.
“Problemi i licensimit vazhdon, vijohet të jepen licenca sipas qejfit, vijon pazari. Kemi dalë për një gjë dramatike pasi në stacionet e terminalit të dytë në Elbasan ku qendrojnë autobusët e linjës Tiranë-Elbasan MTI me dorën e saj ka dhënë dy licenca të njëjta për dy operatorë të ndryshëm në të njëjtin orar. Operatori është biznesmeni që do të monopolizojë linjën. Ky biznesmen ,madje n aka kërcënuar dhe ka mbështetje politike”,thotë ai, raporton BalkanWeb.