Deputeti i Partisë Demokratike, Edmond Spaho ka reaguar për debatin mes Mustafa Nanos dhe Artan Fugës për kërcënimin që i është bërë këtij të fundit.
Nënkryetari i PD-së i kujton Nanos shkrimet e këtij të fundit në vitin 2013 kur fliste për koalicion të të gjithëve kundër Berishës. “Eshte ideatori dhe inspiruesi i koalicionit te qelbësirave”, shkruan Spaho në statusin e tij.
Sjellim në vëmendje që Nano në një shkrim për “Mapo.al” thekson se Fuga i bën jehonë një kërcënimi që nuk është dhe shprehet se është për të ardhur keq që shkrimi mbi akademinë nuk ka gjetur mbështetje në botën akademike.
Ai thekson më tej se ajo që i ka nisur “kërcënimin” ndaj Fugës kuptohej se fliste në emër të dikujt që ishte i interesuar për të mbrojtur status quo-në në Akademi. Nano shprehet se Fuga çuditi dynjanë pasi kërcënimi ishte një sendërgjí e pashijshme, një gjest prej llastice.
Po kështu menjëherë erdhi edhe reagimi i Artan Fugës.
“Ndofta Mustafai, i pandjeshëm, i pallastuar, si gjithmonë kujton se të kërcënosh, intimidosh, fyesh është vetëm kur dikush të vjen me ndonjë copë huri dhe të thotë : Ta futa kokës po hiq dorë nga teza se shqiptarët nuk provohet se vijnë nga ilirët! Ose : Te hyra më shqelma ose prano se gruaja e Skënderbeut është me origjina sërbe! Gjithsesi me Muçin kurrë nuk mërzitem sepse e vlerësoj sportivitetin e tij ekstrem, që sigurisht nuk ka lidhje me gazetarinë, në fakt ai bën gazetarinë e opinionit, post-truth journalism, dhe pa bërë investigimet e duhura, flet me opinione të lira, të lira si eraaaa!”, shkruan ndër të tjera Fuga. (J.V/Shuplaka)
Discussion about this post