Pas vrasjes së gjyqtares Fildez Hafizi nga ish-bashkëshorti i saj ka reaguar Ylli Manjani.
Manjani shkruan se ky është nja lajm shokues, ndërkohë që shigjeton organet e shtetit për dështim në mbrojtjen e qytetarëve.
Ai e konsideron këtë krim një akt barbar dhe thotë se kjo është një luftë mes qytetarisë dhe barbarisë.
“Qytetarët dhunohen e vriten, barbarët gjykohen dhe shpëtojnë”, shkruan ndër të tjera Manjani.
REAGIMI I PLOTË:
Lajm shokues!
Një zonjë, një nënë, një juriste dhe gjyqtare shumë e zonja humbi jetën nga dhuna barbare!
E humbi jetën pas një dhune permanente. Policia e Shtetit duhet ta dijë mirë këtë rast!
Fildesi ka qenë një studente ekselente. Përfundoi edhe Magistraturën shumë mirë.
Ishte një qytetare me rregulla dhe me moral e karakter të fortë!
Nuk ka më fjalë për këtë akt barbar!
Një provë tjetër e luftës ndërmjet Qytetarisë dhe Barbarisë! Qytetaria sot u godit rëndë!
Sistemi ligjor e shtetëror ende i trajton barbarët si qytetarë të barabartë! Kulmi i dështimit!
Shteti që nuk mbron qytetarinë është i rrezikshëm!
Na rrofshin, task-forcat; delta-forcat; forcat e armatosura se pikë force nuk kanë!!!
Na rrofshin edhe ligjet, gjykatat, policët, NGO, ministritë, deputetët, prokurorët, SPAK-erat e pesticide të tjera si këto! Nuk i duhen askujt!
Qytetarët dhunohen e vriten, barbarët gjykohen dhe shpëtojnë!
Nejse, ngushëllime të thella familjes! (B.H/Shuplaka)
Discussion about this post