Mëngjesin e sotmën kryeministri Edi Rama ka uruar gjithë besimtarët myslimanë për festën e Kurban Bajramit me nje foto nga Xhamia e Beqarëve në Berat.
“MIRËMËNGJES dhe gëzuar Kurban Bajramin me këtë foto të Xhamisë së Beqarëve në Berat, një objekt i çmuar i trashëgimisë sonë kulturore, ku po punohet intensivisht për restaurimin e saj, bashkë me Teqenë e Helvetive, Xhaminë e Et’hem Beut në Tiranë dhe Xhaminë e Pazarit në Gjirokastër ”, shkruan Rama.
Që në orët e para të mëngjesit të sotëm mijëra besimtarë myslimanë të kryeqytetit i janë drejtuar ‘’Sheshit Skënderbej” për faljen e Namazit.
Kurban Bajrami është festa e dytë e këtij vitit në kalendarin islam dhe pas faljes së mëngjesit rituali vazhdon me prerjne e kurbanit dhe me vizitat tek të afërmit dhe miqtë në mënyrë që të përcjellin urimet për njëri-tjetrin. (J.V/Shuplaka)
Discussion about this post