Një ditë më parë është diskutuar shumë në media lidhur me lajmin nëse është mbuluar apo jo monumenti i Skënderbeut, gjatë faljes së Namazit në festën e Kurban Bajramit.
Këtij debati i është bashkuar sot edhe Shkëlzen Berisha, djali i ish-kryeministrit Sali Berisha.
Fillimisht si kujton se myslimanët e kanë të ndaluar të falen para statujave dhe sugjeron që herët e tjera, për të shmangur keqinterpretimet, falja e Namazit të zhvillohet në bulevard ose në xhaminë e madhe që po ndërtohet.
Mirëpo një pyetje e mundon Shkëlzen Berishën: “A do reagonin njëlloj sikur statuja të mbulohej për të xhiruar një film apo për të mbajtur një koncert të madh?”
Një pyetje e drejtë kjo, pasi monumenti është mbuluar edhe herë të tjera, në raste mitingjesh apo koncertesh, por asnjëherë nuk ka patur reagime të tilla.
“Jo ne emer te Skenderbeut
Myslimanet e kane te ndaluar te falen para statujave (pa dallim nese eshte e Gjergjit apo e sulltanit).Per te respektuar rregullat e besimit dhe mos u lene shteg interpretimeve, mbase here tjeter mund te evitojne sheshin dhe ti rikthehen bulevardit ose xhamise se madhe qe po ndertohet.Por kam nje pyetje per te gjithe ata qe kane reaguar. A do reagonin njelloj sikur fjala vjen statuja te mbulohej per te xhiruar nje film apo per te mbajtur nje koncert te madh? Nese do aplikonin te njejtin standart edhe per vellezerit e tyre nje dite ne vit, mbase gjithe ky debat do ishte pa vlere. Ne fund trashegimia e vertete e Skenderbeut eshte bashkimi, jo percarja dhe toleranca eshte kusht themelor per kete.”, reagon Shkëlzen Berisha. (D.D/Shuplaka)
Discussion about this post