Turistja e mbytur në Radhimë nga Çekia, ZBARDHET identiteti i saj

Zbardhet emri i turistes që u mbyt sot paradite në Radhimë Vlorës. Ajo quhet Rovena Mejsukova, 74 vjeçe, nga Çekia.

Ka qenë një telefonatë rreth orë 11:05, që ka dhënë alarmin në Sallën Operative Vlorë duke njoftuar se, në vendin e quajtur Rexhina në Radhimë, është mbytur një grua.

Policia ka shkuar në vendngjarje dhe nga verifikimi paraprak ka konstatuar se viktima është futur në det për tu larë dhe ka humbur ndjenjat.

Edhe pse i është dhënë ndihmën e parë nga pushues të rastit, ajo nuk ka mundur të mbijetojë.

Grupi hetimor po vazhdon kryerjen e veprimeve hetimore për përcaktimin e shkaqeve të vdekjes, njofton Policia e Vlorës.

(E.K/SHUPLAKA)