Koreja e Veriut kreu sot testin e saj të gjashtë bërthamor duke nxitur një reagim të ashpër nga të gjitha shtetet.
Pak minuta më parë ka reaguar dhe Presidenti i SHBA-ve Donald Trump. Ai shkruan se veprimet e Koresë së Veriut janë armiqësore dhe të rrezikshme.
“Koreja e Veriut ka kryer një test të rrezikshëm bërthamor. Fjalët dhe veprimet e tyre vazhdojnë të jenë shumë armiqësore dhe të rrezikshme për Shtetet e Bashkuara ….
Koreja e Veriut është një komb mashtrues i cili është bërë një kërcënim dhe siklet i madh edhe për Kinën, i cili po përpiqet të ndihmojë por me pak sukses. Edhe bisedimet me Korenë e Jugut kanë rezultuar pa sukses”, shkruan Trump ndër të tjera.
Testi bërthamor që kreu Koreja e Veriut shkaktoi dy tërmete artificiale në zonat pranë.
(E.K/SHUPLAKA)
